وفاقی وزیر ماحولیاتی تبدیلی سینیٹر شیری رحمان دا عیدالاضحیٰ تے پیغام

اسلام آباد۔10جولائی (اے پی پی):وفاقی وزیر ماحولیاتی تبدیلی سینیٹر شیری رحمان لوکاں کوں ساوݨ دے مینھ اچ صفائی ستھرائی دا خصوصی خیال رکھݨ دی اپیل کریندے ہوئیں آکھیے جو اساں اڄوکے سال عید ساوݨ دے مینھ ویلھے منیندے پیوں ۔ عیدالاضحیٰ دے حوالے نال آپݨے پیغام اچ انہاں آکھیے جو پاکستان اچ اڄوکے سال خشک سالی توں بعد معمول توں ودھ ساوݨ دا مینھ وسدا پئے ،سندھ تے بلوچستان اچ 30 سال دی اوسط توں ودھ مینھ وسدا پئے تے ودھ سارے مینھ وسݨ پاروں چھوٹے وݙے شہراں اچ پاݨی کھڑے ۔انہاں آکھیے ساݙے نالیں تے سیوریج دے نظام تے پہلے ہی مینھ دے پاݨی دا دٻاؤ اے ،لہذا لوکاں توں گزارش اے قربانی کہیں مخصوص تے مختص شدہ جاہ تے کرن کیوں جو ڳلی ڳلی اچ قربانی کرݨ توں آلودگی ودھ ویسی تے نالے بند تھی ویندن ، لہذٰا جانوراں دیاں کھلاں تے آلائشاں کوں کھلی جاہ تے ڳلیان اچ نہ سٹو ۔انہاں آکھیے پلاسٹک دے تھیلیں تے بوتلاں دا استعمال نہ کرو کیوں جو سارا خطرناک فضلہ آلودگی تے پاݨی دی نکاسی اچ رکاوٹ دا سبب بݨدے ۔

مضمون کا ماخذ : bolão lotomania

متعلقہ مضامین