وزیراعظم شہباز شریف دی آئی ایم ایف دی مینیجنگ ڈائریکٹر کرسٹلینا جورجیوا نال ملاقات
APP39-260423
ISLAMABAD: April 26 - Prime Minister Muhammad Shehbaz Sharif chairs a meeting of the heads of coalition parties at PM House.APP/ABB
اسلام آباد۔24جون(اے پی پی)وزیراعظم شہباز شریف آئی ایم ایف نال پروگرام مکمل کرݨ دا عزم دوہریندے آکھیے جو پاکستان اپݨے وعدے پورے کرݨ کیتے تیار اے، پاکستانی عوام کوں ریلیف ملݨ انہاں دا حق اے، معاشی مشکلات عوام کوں ٻہوں اوکھا کیتے ڄیڑھا برداشت توں ٻاھرو اے، عوام دے ریلیف اتے معاشی حقائق وچال توازن چاہندے ہیں۔ اے ڳالھ وزیر اعظم محمد شہباز شریف آئی ایم ایف دی مینجنگ ڈائریکٹر نال پیرس اچ لندن ونڄݨ توں پہلے ملݨ ویلھے آکھی۔ وزیراعظم شہباز شریف اتے ایم ڈی آئی ایم ایف پیرس اچ 3 واری ملین۔ پاکستان دی معاشی حقیقتاں ومڄھݨ تے وزیراعظم شہباز شریف ایم ڈی آئی ایم ایف دی تعریف کیتی اتے آکھیا جو پاکستان کوں ودھ معاشی چیلنجز توں کݙھݨ کیتے ڄڳ دی معاونت دی قدر کریندے، سیلاب معاشی مشکلات ودھائن ٻھل ایندے باوجود اپݨے عوام کوں ریلیف ݙتے۔ انہاں آکھیا جو معیشت کوں ولا ودھ شرح نمو دے رستے تے سٹݨ آئی ایم ایف اہداف سانڳے ضروری اے، معاشی بحالی نال آئی ایم ایف اہداف کوں بہتر انداز اچ حاصل کیتا ونڄ سڳدے، پاکستان اڳیں آلی کار عالمی برداری نال اپݨے عزم اتے وعدے پورے کرݨ کیتے کوششاں جاری رکھسی۔ کرسٹا لینا جارجیوا وزیر اعظم شہباز شریف دے پاکستان دے عزم دی تعریف کیتی۔
