الیکشن 2018ءاچ قومی اسمبلی دیاں سیٹاں سانگے 5ہزار 473امیدواراں کاغذات نامزد گی جمع کرائے، صوبائی اسمبلی سانگے 15ہزار 693امیدواراں کاغذات نامزدگی جمع کروائے ہن

اسلام آباد ۔24 جون (اے پی پی)الیکشن 2018ءاچ قومی اسمبلی دیاں سیٹاں سانگے 5ہزار 473امیدواراں کاغذات نامزدگی جمع کرائے ہن جڈانجو صوبائی اسمبلی سانگے15ہزار 693امیدواراں کاغذات نامزدگی جمع کروائے ہن جڈانجو 2013ءدے الیکشن اچ کاغذات نامزدگی جمع کراونڑ آلیاں دی تعداد 2018ءدے مقابلے اچ ودھ ہائی ۔ تفصیل مطابق الیکشن 2018ءاچ قومی اسمبلی دیاں سیٹاں سانگے 5ہزار 473امیدواراں کاغذات نامزدگی جمع کرا ئے ہن ،جنہاں اچ صوبہ بلوچستان توں 435امیدوار ، صوبہ خیبر پختونخوا توں 992، صوبہ پنجاب توں 2ہزار 700اتے صوبہ سندھ توں ہک ہزار 346امیدواراںکاغذات نامزدگی جمع کرا ئے ہن۔ چاروںصوبائی اسمبلیاں سانگے 13ہزار 693امیدواراں کاغذات نامزدگی جمع کرائے ہن جنہاں اچ صوبہ بلوچستان توں ہک ہزار 400، صوبہ خیبر پختونخوا توں ہک ہزار 926، صوبہ پنجاب توں 6ہزار 747اتے صوبہ سندھ توں 3ہزار 626امیدواراں الیکشن اچ حصہ گھنڑ سانگے کاغذات نامزدگی جمع کرائے ہن ۔ قومی اسمبلی اتے چاروں صوبائی اسمبلیاں سانگے کل21ہزار 482امیدواراں کاغذات نامزدگی جمع کرائے ہن جڈانجو2013ءدے الیکشن اچ چاروں صوبائی اسمبلیاں اتے قومی اسمبلی سانگے 28ہزار 302امیدواراں کاغذات نامزدگی جمع کرائے ہن ۔ واضح رہوے جو کاغذات نامزدگی جمع کراونڑ آلے امیدوار 29جون توں پہلے اپنڑے کاغذات نامزدگی واپس گھن سگدن ، مقررہ تریخ دت بعد کاغذات نامزدگی واپس نی تھی سگدے ۔

مضمون کا ماخذ : لاٹری ٹکٹ کے نتائج

متعلقہ مضامین